أخى علاء

الشهيد البطل : علاء منفذ عملية إطلاق النار في إحدى مدارس التأهيل العسكري للجيش الصهيوني

تم تقليل : 73% من الحجم الأصلي للصورة[ 350 x 450 ] - إضغط هنا لعرض الصورة بحجمها الأصلي




ارفع صباعك
======
ارفع صباعك بالشهادة وموت
مافضلش لك غير الشهادة
نور ومية وعيش وفرح وزاد وقوت
ارفع صباعك تنخرق عين الجبان
ارفع صباعك للى باعك
واللى شجبك
واللى دانك
واللى خان
0000
ارفع صباعك قول امين
على بشر متأممين
يمين شمال
شمال يمين
اخرس ياسيفى ياخشب
مبتور ياحرف الحق عندى ُمستكين
مامُلكش إلا دعوتى
مامُلكش غير الناس ورايا
تقول امين
انا صنعتى غيرإني انسان
درويش طابور المملكة
والطبل ويا الهمبكه
والفذلكة
درويش طابور العيش
درويش طابور التهلكه
0000
ارفع صباعك بالشهادة قول يارب
مين فينا باقى عنده دم
مين فينا باقى عنده قلب
مين فينا سابك عالرصيف
ملفوف بدمك
اااااااااااااااه ياقلبى
اااااااااااااااه ياخويا
اااااااااااااااه يا ابني
ياقلب أمك
0000
ارفع صباعك بالشهادة قول نويت
نويت أموت
بأعلى صوت
نويت أموت
وسبتلك
نور وميه و زاد وقوت
نويت اموت
من دنيتى
بقت ياسيدى دنيتك
راح تعمل ايه
نويت أعيش
فى أخرتي
نويت أصلي الفجر وياك ياحبيب
نويت أعيش
======
عادل التونى