تعليمي
 
الرئيسيةالبوابةمكتبة الصورس .و .جبحـثالتسجيلدخول

شاطر | 
 

 نصائح

اذهب الى الأسفل 
كاتب الموضوعرسالة
omrody
عضو متميز
عضو متميز
avatar

انثى عدد الرسائل : 368
العمر : 40
تاريخ التسجيل : 27/12/2007

مُساهمةموضوع: نصائح   الأحد يوليو 27, 2008 4:54 am





لاحظت كثير ا أخواتي في الله أن


لسه في شباب وشابات لم يتزوجوا بعد



فمن واجبنا نحن المتزوجون في الارض باهدائهم بعض النصائح التي ترجع عليهم بالفائدة

أن شاء الله

أنا هكتب اللي في بالي

وعلي كل متزوج من أعضاءنا الكرام

التفضل بوضع نصيحه ولو كلمه





أ )ستوجه الي العروسة


ب ستوجه للعريس



عندما يتقدم عريس لك أ



لا تفكري بالحصان الابيض

وتقولي أصل شكله أصل مش عارفه أيه



المهم حسن التحري عنه وصلاة الاستخارة

ب- لا مانع من تختارها أن تكون جميله بل هو شرط بشرط أن لا يكون جل بحثك

يكفي أن تكون مرتاح عند النظر اليها

أخطب من تخاف الله في القول والعمل خصوصا العمل طبعا دة هيبان في أيام الخطوبه

أن وجدت أن الام حين أتيت خاطبا هي من تجلس وتملي الشروطوتقول أة ولا

وزوجها صامت فأحذر ألف مرة لانها ستحاول أن تغير كل حاجه ما عجبتها ولا طلبتها من زوجها في شخصك

وشيل بقي


أ - لا تحاولي أن تشعري بأنك غاليه عندة بكثرة الطلبات

ولا تلمحي حتي دي أختي عندها كذ وبنت خالتي جوزها جايبلها بوتجاز مسطح

ماله أبو أربع رجول المهم بتعرفي تستعمليه
أعرف زواج كان هيبوظ عشان الدلي صوار ههههههههه

ب- كن واضح من أول يوم ولا تعمل أبو زيد عند بدء قبول طلبات العروس وأهلها

أفرش كل ورقك حتي لا تعمل البحر طحينه ويفاجئو برفضك لبعد طلباتهم

وتبداء المفاوضات وبصراحه دة بيهز منظرالاتنين أمام بعضهم
بعد الزواج


بالله أحترمي كتير أهله خصوصا والدته

ولا تتبرمي من زياراتهم بأولادهم أتحبين أن يعامل أهلك بالمثل

ب-

نفس النصيحه للزوج

أ-أهتمي بوالدته جدا عند زياراتها لكم كوني بشوشهه وودودة

لان دة هيكسر حاجز الترقب بينكم عشان هيا من أول يوم مش هتكون طايقاكي

لان ولدها بنظرها يستحق أفضل منك بكتييييييييييييييييييييير

ومن الاخر ما هتجدها لانها بتحب أبنها جدااااااااااااااا وما في واحدة تقدر تريحه وتحبه زيها

معلش أستحملي عشان خاطر حياة بدون مشاكل خارجيه بدون أهدار للكرامه طبعا

انظرا بعين النحلة تريا الزهور كلها عسلاً.. وتكلماعن الإيجابيات التي يحبها كل طرف في الطرف الآخر، واستعيدا دومًا الذكرياتالجميلة

ب- حسس والدتك بأنك لن تبعد عنها فهي الكل في الكل


حتي تتجنب عمليه أصطياد والشكوي من عروستك
طنش .......تعش ............تنتعش
أن زودتها طيب خاطر زوجتك بدون أن تأخذ جانبها لانك
ستقل بنظرها أن عاديت والدتك وهتكون فرصه بأن تبداء الحرب العلنيه المفتوحه وستكون الخاسر بالنهايه


أن قمتي بعمل غلطه ستجعله يزعل منك

طبعا أنتي عارفه ميعاد شغله قومي بلبس ملابس الخروج وأعملي نفسك بتوضبي أغراضك ولو دخل وقال ليكي بتعملي أيه


قولي له في مسكنه وتأثر أصلي عملت .......... وقلت أخدها من أولها وأروح بيت أهلي أهئ أهئ وأنزلي دمعتين

بس أوعي يكون من النوع العصبي ويقولك الباب اللي يودي

أ و تكوني عامله مصيبه تبقي طبلت أنا مليش دعوة




ولا أقولك فكرة أحلي أول ما يزعل منك قومي علي طول وأحضنيه حضن حنين وقولي له مش هعمل كدة تاااااااني أخر مرة

بدلع
ب- أن رأيت منها أسف أو ألأعتذار ما تزودها يا أبو قلب جنان وأن رأيت دمعه نازله من عنيها أمسحها بحنان وما تكون
قاسي القلب
بعد كده حبيبتى ارجوكى خلى دموعك عزيزه يعنى متعيطيش على كل حاجه
على الفاضى والمليان عمال على بطال لا( )
كده حيتعود انك علطول بتعيطى ولا حتتهزله شعره بعد كده
عيطى بقى ولا اتفلقى لحد الصبح
ولا حيسأل

أخرج البخار خوفأ من الانفجار


أ لاتقومي بعمل الاشياء القاسيه المتوقعه من زوجك

كأصلاح الحنفيات ، أو أنسداد بلوعه المطبخ

لانك بذلك بتجعليه يشعر بأنك واحدة قويه وما تحتاجين له


ب- أيها العريس الغالي لاترمي بكافه المسئوليات علي عاتق زوجتك وبعد أول أسبوع هوب تتذكر أيام العزوبيه والسهر ووووو

هي الاخري كان لها حياة عزوبيه ومدلعه خالص ما كانت بتفكر في مواعيد الغداء ومسئوليات وتوابع الزواج أنتم تخليتم عن الحياة السابقه فأجعل لها حق في وقتك عقلك قلبك


أ - أن أهداكي هديه في أول الزواج ولو كانت بسيطه وغير متوقعه

أفتكري أنه لسه خارج من عمليه تنفيضيه جاءت علي كل ما في جيبه

ولا تبني نظريه البخل ووووو


ب- أول هديه قم بأهدائها حصاله

ونسخه من القراءن الكريم علي ثلاثين جزء

لا طبعا الحصاله مش عشان تربط الحزام لا دي أي فلوس فكه في جيوبكم

أن شااء الله ربع جنيه

ضعه بالحصاله وكل أول شهر قم بالتصدق بهم


وأجزاء القراءن عشان كل يوم تقرأو ما تيسر منه وتضعوة في الدرج المقابل وعند أمتلاء الدرج بثلاثين جزء قم بارجاعهم وأعيد ها كل مرة

ودعواتكم


أ- حسك عينك يحصل ما بينكم أي سؤ تفاهم وتروحي تشتكي لعائلتك أوعي

أن كان أهلك ناس عاقلين ودة المتوقع لن يتدخلوا بس هيشيلوا منه في حين أن بعد شويه هتكوني معاة سمن علي عسل بس هيكونوا هما ذعلانين منه خصوصا أن الاباء بيحبوا بناتهم جدااااا

ولو لا قدر الله كانوا مش عاقلين هتسببي مشكله جامدة وتتدخل امك بكيل الاتهامات له والتوجيهات والنصائح والدرر لكي مما سيؤدي الي كثرة المشاكل


ب- لا تخيرها أبدا بين شغلها وبينك لا نك بتضع نفسك في مقارنه تققل من شأنك

أوعي حسك عينك تحاسبها علي أشياء أشترتها من مرتبها لنفسها ساعتها ستزل بالطوابق من نظرها






لازم تخلى اى موضوع او خناقه تنتهى لصالحك

اولا ما تغلطيش اسمعيه كويس وهو بيزعق
ياستى طولى بالك متتكلميش وهو بيزعق اصبرى دورك جى

ثانيا من كتر كلامه وعدم مقاطعتك له هو حيغلط وساعتها
امسك هو غلط خلاص
خدى جنب وازعلى وخاصميه

عدم ردك عليه هيحس بغلطه وحيحاول يصالحك

ثالثا ودى الأهم لما حيجى يصالحك ادللى حبه مش تقومى طابشه فيه واللى انتى ما قلتيهوش فى الخناقة تروحى قيلاه لالالالالالالالالالالا
لا طولى بالك وتقوليله كده انا ما كنتش منتظره منك كده مهما حصل بينا
انا اللى بحبك واموت فيك تعمل كده فيا وووووووووووووو
حتلاقيه يضحك ويصالحك علطول ويقلك يعنى فى الأخر انا اللى غلطان
تضحكى وتقولى اه انت اللى غلطان




الزوج ما يحبش الست النكديه اللى علطول زعلانه علطول تلومه فوتى ياستى شويه
وتعالى على نفسك ما فى صالحك برضو
فاجئيه مره بانه عمل غلطه وعديتيهالو
مره لله علشان ما يزهقش من كتر الملامه
احسن بعد كده لوميه لحد الصبح حيعمل ودن من طين وودن من عجين

وأخير كلمه للعروسين


المرأه تعشق بالأذن...............الرجل يعشق بالعين

مفهوم


كفايه كدة كملوا أنتم بقي

كل من له نصيحه لم أكتبها أكتبها لعرسان المنتدي بارك الله فيكم وجعل حياتكم كلها سعادة وهنا وراحه بااااااااااااااااااااااال

_________________
[b]نجح أمهر مصممين في ترقيه منتدانا
ننتقي لنرتقي بكم وبأطفالكم سارع بالتسجيل بموقعنا المتطور الشروق الجديد
[/b]
http://www.mmhgop.com/vb/

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
نصائح
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
mmhgop :: الركن العام :: المنتدى العام-
انتقل الى: